«Համաձայնագրի կնքումից հետո Մինսկի խմբի գործունեության անհրաժեշտությունը չի լինի»․ Արարատ Միրզոյան

«Համաձայնագրի կնքումից հետո կարող ենք համարել, որ ինստիտուցիոնալ առումով հակամարտությունը կմոտենա ավարտին, և մենք էլ կարող ենք ասել, որ Մինսկի խմբի գործունեության անհրաժեշտությունը չի լինի»,- ԱԺ-ում Արտաքին հարաբերությունների մշտական հանձնաժողովի նիստի ժամանակ ասաց ԱԳ նախարար Արարատ Միրզոյանը։
Հիշեցնենք, որ նախարարը հայտնեց նաև, որ ոչ մի միջանցքի մասին կետ չկա խաղաղության համաձայնագրում։ Տեքստում չկա նաև որևէ դրույթ այն մասին, որ մինչև ԽՍՀՄ փլուզումը 2 երկրներում բնակեցված և հետո այդ տարածքները լքած մարդիկ պետք է վերադառնան իրենց տները կամ այն տարածքները, որտեղ իրենց նախնիներն ապրել են։
Արարատ Միրզոյանը նաև նշեց, որ 2024 թվականը վերջին 20 տարվա ամենախաղաղ ու ամենակայուն տարին է եղել ՀՀ սահմանների համար, ինչը պայմանավորված է տարվող արտաքին քաղաքականությամբ։