Վթարային շենքի բնակիչները երթով շարժվեցին դեպի Կառավարություն․ ՈՒՂԻՂ ՄԻԱՑՈՒՄ

Վարդաշենի 6-րդ փողոցի վթարային շենքերի բնակիչները, ովքեր առավոտից բողոքի ակցիա են իրականացնում քաղաքապետարանի դիմաց և փակել էին ճանապարհը, 6 հոգով հանդիպել են քաղաքապետարանի անշարժ գույքի կառավարման վարչության պետի հետ։ Հանդիպման ժամանակ նրանց հաղորդվել է, որ դիմել են Կառավարությանը՝ իրենց նոր բնակարաններով ապահովելու հարցով և 2 ամիս ժամանակ են խնդրել, որպեսզի Կառավարությունից պատասխան ստանան։ Բնակիչները, չբավարարվելով ստացած պատասխանից, քաղաքապետարանից երթով շարժվեցին դեպի Կառավարության շենք։