The Atlantic-ի գլխավոր խմբագիրը պատահաբար հայտնվել է ԱՄՆ-ի հարվածները քննարկող փակ չաթում
![]() 1121 Երկուշաբթի, 24 մարտի, 2025 թ., 23:15 The Atlantic-ի գլխավոր խմբագիր Ջեֆրի Գոլդբերգը պատահաբար հայտնվել է Signal զրուցարանի փակ չաթում, որտեղ ԱՄՆ-ի Ազգային անվտանգության խորհրդի անդամները քննարկելիս են եղել Եմենի հութիների դեմ գործողության ծրագրերը։ Այս մասին գրում է լրատվական գործակալությունը։ Զրույցում ընդգրկված են եղել պաշտպանության նախարար Փիթ Հեգսեթը, պետքարտուղար Մարկո Ռուբիոն, փոխնախագահ Վենսը: Լրագրողը չաթ մտել է մարտի 13-ին՝ ԱՄՆ-ի իշխանությունների կողմից ռազմական գործողությունների մեկնարկի մասին հայտարարելուց երկու օր առաջ։ «Եթե կարծում եք, որ մենք պետք է դա անենք, շարունակեք: ...Ես պարզապես ատում եմ, որ ստիպված եմ նորից փրկել Եվրոպան»,- գրել է Վենսը չաթում (ԱՄՆ-ն պնդում է, որ հութիների գործողություններն ավելի շատ վնասում են Եվրոպային): The Atlantic-ը նշում է, որ թեև Վենսը հրապարակավ չի հեռանում Թրամփի դիրքորոշումներից, սակայն նամակագրության մեջ նա կասկածի տակ է դրել նախագահի իրազեկվածությունը: «Ես վստահ չեմ, որ նախագահը գիտակցում է, թե դա որքանով է անհամապատասխան Եվրոպայի նկատմամբ իր ներկայիս քաղաքականության հետ: Կա նաև նավթի գների չափավոր կամ ուժեղ թռիչքի վտանգ։ Ես պատրաստ եմ աջակցել թիմի կոնսենսուսին և այս մտահոգությունները պահել ինձ: Բայց մեկ ամսով հետաձգելու լուրջ փաստարկներ կան»։ Փենթագոնի ղեկավարը նրան պատասխանել է. «Ես լիովին կիսում եմ ձեր զզվանքը Եվրոպայի մակաբուծության հանդեպ։ Սա խղճալի տեսք ունի: Բայց Մայքը իրավացի է, մենք միակն ենք մոլորակի վրա (մեր կողմից), ով կարող է դա անել: Մոտիկ էլ ուրիշ մարդ չկա»։ Ավելի ուշ Սպիտակ տունը հաստատել է նամակագրության իսկությունը։ Չաթի ստեղծողի՝ Մայք Ուոլցի գործողությունները կարող էին խախտել Լրտեսության մասին օրենքի մի քանի դրույթ, որը կարգավորում է ռազմական տեղեկատվության հետ վարվելը, ասում են լրատվականի հետ զրուցած փաստաբանները։ Փորձագետները բացատրել են, որ Signal հավելվածը կառավարությունը չի համարում, որ հարմար է գաղտնի տեղեկատվության փոխանակման համար։ Եթե չաթի մասնակիցները կորցնեին իրենց հեռախոսները կամ գողանային դրանք, ազգային անվտանգության հնարավոր վտանգը լուրջ կլիներ: |
Հռոմի պապի հիշատակին Փարիզի Աստվածամոր տաճարում պատարագ է մատուցվում (տեսանյութ)
3015:13«Մեզ որևէ ուժի հետ կապողին ամենավերջին ձևով վիրավորել ենք». Նահապետ Սարգսյան (տեսանյութ)
16014:00«Մարդկանց թալանում են գազի միջոցով»․ Նաիրի Հոխիկյան
20713:54«Մանանդյան փողոցի խրամատները»․ Արշակ Սարգսյան (տեսանյութ)
11613:42«Զատկի զինադադարից հետո մարտերը վերսկսվել են»․ ՌԴ ՊՆ
13713:39Նահապետ Սարգսյանը մանրամասներ է հայտնում Սամվել Շահրամանյանի հետ հանդիպումից (տեսանյութ)
30613:24Ուղիղ միացում՝ Վատիկանից (տեսանյութ)
14013:03Բաքվում շարունակվում է Արցախի նախկին ղեկավարների շինծու դատավարությունը
18512:27