«Հայաստանը պետք է ընտրություն կատարի ԵԱՏՄ-ի և ԵՄ-ի միջև». Օվերչուկ

Հայաստանը չի կարող «երկու աթոռի վրա նստել». նա պետք է ընտրություն կատարի Եվրասիական տնտեսական միության և Եվրոմիության միջև։ Այս մասին լրագրողներին հայտարարել է ՌԴ փոխվարչապետ Ալեքսեյ Օվերչուկը։

Ավելի վաղ ՀՀ խորհրդարանի պատգամավորները երկրորդ և վերջնական ընթերցմամբ ընդունել էին ԵՄ-ին հանրապետության անդամակցության գործընթաց սկսելու մասին օրինագիծը։

«Սա Հայաստանի ներքին խնդիրն է: Բայց իրականում մենք հասկանում ենք, որ և՛ ԵԱՏՄ-ն, և՛ ԵՄ-ն ունեն նույնանման օրակարգեր: Եվ հետևաբար, երկիրը պետք է կողմնորոշվի և ընտրություն կատարի: Որովհետև հնարավոր չի լինի միաժամանակ նստել երկու աթոռների վրա, դա միանշանակ է», - ասել է Օվերչուկը:

«ՌԴ-ն ստիպված կլինի վերանայել Հայաստանի հետ տնտեսական հարաբերությունների ողջ համալիրը, եթե հանրապետությունը միանա ԵՄ-ին։ Սա կանդրադառնա բնակչության կենսամակարդակի վրա, Ռուսաստանը դա չի ցանկանում», հավելել է ՌԴ փոխվարչապետը։

«Մենք տեսնում ենք, որ Հայաստանը շարունակում է ակտիվորեն աշխատել ԵԱՏՄ-ում։ Եվ այսօր նա իր դրական ներդրումն է ունենում եվրասիական ինտեգրման գործում»,– ասել նա։