Շաբաթ, 15 օգոստոսի, 2026 թ.
|
Ստեփանակերտում`   +22 °C

«ԱՄՆ նոր մաքսատուրքերը կտարածվեն բոլոր երկրների վրա»․ Թրամփ

«ԱՄՆ նոր մաքսատուրքերը կտարածվեն բոլոր երկրների վրա»․ Թրամփ
2506
Երկուշաբթի, 31 մարտի, 2025 թ., 15:27

ԱՄՆ նախագահ Դոնալդ Թրամփը խոստացել է, որ նոր մաքսատուրքերը, որոնք իր վարչակազմը նախատեսում է սահմանել ապրիլի 2-ին, կտարածվեն ոչ միայն10-ից 15 երկրներից բաղկացած փոքր խմբի վրա, այլ բոլոր երկրների վրա:

«Մենք պետք է սկսենք բոլոր երկրներից և տեսնենք, թե ինչ կլինի»,- ասել է Թրամփը։

«Ըստ էության, տուրքերը կտարածվեն բոլոր երկրների վրա, որոնց մասին մենք խոսում ենք, իսկ մենք խոսում ենք բոլոր երկրների մասին»,- հավելել է նա։

Թրամփի խոսքով՝ ԱՄՆ-ի մաքսատուրքերը շատ ավելի մեղմ կլինեն, քան նախկինում այլ երկրների կողմից ամերիկյան արտահանման համար սահմանված մաքսատուրքերը:

«Մեզ թալանել են ավելի՝ քան պատմության մեջ որևէ այլ երկրի, այնուամենայնիվ, մենք շատ ավելի մեծահոգի կլինենք նրանց հանդեպ, քան նրանք՝ մեր հանդեպ»,- ասել է ԱՄՆ նախագահը:

Ավելի վաղ Թրամփը հայտարարել էր ապրիլի 2-ից ներմուծվող ապրանքների վրա հայելային մաքսատուրքեր սահմանելու իր մտադրության մասին: Բրազիլիան, Հնդկաստանը, Կանադան, Չինաստանը, Մեքսիկան և ԵՄ երկրները, միջին հաշվով, ԱՄՆ-ից շատ ավելի բարձր մաքսատուրքեր են գանձում, քան ԱՄՆ-ն է գանձում այդ երկրներից:

Կարդացե՛ք նաև