«Բանակում ինչ լինում է, հարձակվում ենք ՊՆ-ի վրա»․ Նիկոլ Փաշինյան

«Բանակում ինչ լինում է՝ բոլորս հարձակվում ենք Պաշտպանության նախարարության վրա։ Հա լավ՝ մեկ, երկու, երեք, չորս...տասը, հետո, երբ ուսումնասիրում ես, կարդում ես, հետազոտություն ես պատվիրում, մեկ էլ ասում ես՝ մի րոպե, բայց այս պրոբլեմներից ոչ մեկը բանակում չի ձևավորվել, բոլոր պրոբլեմները քաղաքացիական կյանքից կտոր-կտոր գալիս են ու մի տեղ են հավաքվում, և փազլը հավաքվում է, ու սա չենք հասկանում»,- կառավարության նիստի ժամանակ այսօր ասել է վարչապետ Նիկոլ Փաշինյանը։

Նրա խոսքով՝ բանակում ինչ-որ բան անելն արդեն ուշ է, պետք է մանկապարտեզում ու դպրոցում անել։

«Մեր երեխաները դպրոցից դուրս են գալիս հոգեբանական պատրաստություն չունենալով, կյանք են մտնում հոգեբանական պատրաստություն չունենալով, հոգեբանորեն թույլ լինելով, թույլ կամքով»,- հավելեց Փաշինյանը։