«Այս շարժումն ընդամենը «40+10»-ի շուրջ չէ, այն շատ ավելի լայն շրջանակներ ունի»․ Արմեն Ծուլիկյան

«Թեքեյան» կենտրոնի ներկայացուցիչները Ազատության հրապարակում հանդիպել են Արցախցիների իրավունքների պաշտպանության խորհրդի անդամների հետ։ «Թեքեյան կենտրոն» հիմնադրամի տնօրեն Արմեն Ծուլիկյանը լրագրողների հետ զրույցում նշել է, որ այս աղետալի շրջանում չէին կարող անմասն մնալ այս ամեն ինչից և պատրաստակամություն են հայտնել աջակցել այս շարժմանը։

«Տպավորություն չպետք է ստեղծվի, որ այս ամբողջ պայքարը ընդամենը «40+10»-ի շուրջ է, ինչը որ որոշ շրջանակներ փորձում են ներկայացնել։ Այստեղ գլոբալ, համազգային, համապետական, համաժողովրդական հարցեր են դրված։ Դա փոքրացնել, հասցնել միայն ֆինանսական աստիճանի, վիրավորական է յուրաքանչյուր նորմալ հայի համար։ Այս շարժումը շատ ավելի լայն նպատակներ ունի»,- նշել է Արմեն Ծուլիկյանը։