Չինաստանն ամերիկյան ապրանքների մաքսատուրքերը 84%-ից բարձրացրել է մինչև 125%

3363

Ուրբաթ, 11 ապրիլի, 2025 թ., 13:09

Չինաստանն ամերիկյան ապրանքների մաքսատուրքերը 84%-ից բարձրացրել է մինչև 125%, որոնք ուժի մեջ կմտնեն ապրիլի 12-ից, հայտնում է Bloomberg-ը՝ հղում անելով Չինաստանի ֆինանսների նախարարությանը։

Նախօրեին՝ ապրիլի 10-ին, ԱՄՆ-ն չինական ապրանքների մաքսատուրքերը հասցրել է 145%-ի։

Չինաստանի ֆինանսների նախարարությունը հայտարարել է, որ ներկայիս մաքսատուրքերով Չինաստան արտահանվող ամերիկյան ապրանքներ ներմուծելն արդեն անիմաստ է:

«Եթե հետագայում ամերիկյան կողմը շարունակի մաքսատուրքեր սահմանել ԱՄՆ արտահանվող չինական ապրանքների վրա, ապա չինական կողմն ուշադրություն չի դարձնի դրան», - ասվում է հայտարարության մեջ։