«Շատ գյուղացիներ խելքով ու արժանապատվությամբ անհամեմատ բարձր են, քան իրենք»․ Պետրոս Մակեյան

«Ժողովրդավարական հայրենիք» կուսակցության նախագահ Պետրոս Մակեյանի ֆեյսբուքյան գրառումը. «Տգետների ժամանակաշրջան․

Նիկոլ Փաշինյանը կառավարության նիստում հերթական անգամ մտքի փայլատակմամբ հանդես եկավ, մասնավորապես, որ հեռավոր գյուղերի չկրթված գյուղացիներին հանդիպելիս հասկացել է՝ իր կառավարությունը 7 տարի նույն տեղում՝ «դասարանում» է մնացել։
Նիկոլը չի հասկանում, որ գյուղերում շատ գյուղացիներ իրենց բնատուր խելքով, փորձով ու մարդկային արժանապատվությամբ անհամեմատ բարձր են, քան կառավարության անդամներից շատերը։
Կառավարության նիստի այդ ելույթը պետք է եզրափակվեր՝ հայտարարելով, քանի որ իրենց հանցավոր անգործության ու անկարողության հետևանքով երկիրը ներքաշվել է աղետների մեջ, ուստի կառավարությունն իր ղեկավարությամբ հրաժարական է տալիս։
Հ․ Գ․ Օլիգարխների և մեծահարուստների շահերը սպասարկող կառավարության համար գյուղացիներն անկիրթ ու տգետ են»։