«Ընկալում կա, սահմանադրական հանրաքվեների արդյունքները չեն արտահայտում ժողովրդի կամքը». Նիկոլ Փաշինյան

«Ճեղք կա ժողովրդի ու իրավակարգի միջև, ու իմ գնահատականն այն է, որ իրավակարգի ճեղքը կապված է նրա հետ, որ սահմանադրական բոլոր հանրաքվեներում եղել է հանրային որոշակի ընկալում ու համոզմունք, որ այնուամենայնիվ, սահմանադրական հանրաքվեների պաշտոնապես արձանագրված արդյունքները չեն արտահայտում ժողովրդի կամքը կամ ճշգրիտ չեն արտահայտում»,- այս մասին «Արդարադատությունը որպես արդարության հասնելու գործիք» խորագրով համաժողովի ժամանակ ասել է ՀՀ վարչապետ Նիկոլ Փաշինյանը: Նրա խոսքով՝ ժողովրդի ու իրավակարգի միջև օրգանական կապի խնդիր կա: