«Թող էդ նույն ադրբեջանցին նույն «թեթև քերծվածքները» պատճառի գյուղապետի ընտանիքին». Անի Ավետիսյանը վիրավորված է շաքեցիներից

Դիվերսանտ ադրբեջանցու գնդակից վիրավորված Անի Ավետիսյանը «Ժողովուրդ»-ի հետ զրույցում խոստովանում է՝ ցավ է պատճառում ոչ միայն վնասվածքը, այլև շաքեցիների վերաբերմունքը: Շաքիից գրեթե ոչ ոք չի հետաքրքրվել իր վիճակով, իրեն չեն զանգել ոչ համայնքապետը, ոչ բնակիչները: Միայն դպրոցի տնօրենն է պարբերաբար զանգահարում, հետաքրքրվում Անիի և երեխաների որպիսությամբ: «Ես բողոք ունեմ Ռուբեն Մանուչարյանի դեմ: Ինքը պիտի գյուղացիներին տեղյակ պահեր: Էսօրվա դրությամբ էլ ասում է՝ թեթև քերծվածք է եղել: Վերև աստված կա: Թող էդ նույն ադրբեջանցին զորքով մտնի իր ընտանիք, նույն թեթև վնասվածքները պարգևի: Շաքիի բնակիչները մինչև հիմա չեն զանգել իրենց փրկողին: Եթե ես դա չանեի, նրանց տներ էին մտնելու»,- ասում է վիրավորված կինը: