«Յոթ գործնական առաջարկներ ներկայացրեցի Քոնգրեսին». Արտակ Բեգլարյան

Արցախի նախկին ՄԻՊ և նախկին պետնախարար Արտակ Բեգլարյանի ֆեյսբուքյան գրառումը․ «Քիչ առաջ ավարտեցինք ԱՄՆ Քոնգրեսի Թոմ Լանթոս Մարդու իրավունքների հանձնաժողովում լսումները՝ Ադրբեջանում մարդու իրավունքների վիճակի վերաբերյալ՝ քոնգրեսական Քրիս Սմիթի նախագահությամբ:
Որպես հիմնական զեկուցողներից մեկը՝ ես ներկայացրեցի Արցախի ժողովրդի հանդեպ տեղի ունեցած ցեղասպանությունը, ընթացիկ հանցագործությունները մեր մշակութային ժառանգության ու սեփականության հանդեպ, ինչպես նաև ՀԱՅ գերիների վիճակը: Ես նաև յոթ գործնական առաջարկներ ներկայացրեցի Քոնգրեսին՝ ապահովելու համար արդարադատությունը, մեր իրավունքների պաշտպանությունն ու վերականգնումը»: