«Երկակի ստանդարտների երկրում ենք ապրում»․ Սամվել Հայրապետյան

Ծրագրավորող Սամվել Հայրապետյանի ֆեյսբուքյան գրառումը. «Երկակի ստանդարտների երկրում ենք ապրում, երբ, օրինակ, քննադատում են ակտիվիստ Չախոյանին ծեծելը, բայց չեն քննադատում Վահագնի մոր հանդեպ տեղի ունեցած միջադեպը։ Երկու դեպքում էլ սխալ կա։ Չախոյանը օրե՞նք էր խախտել՝ դրա համար կա ոստիկանություն։ Վահագնի մայրը կարծի՞ք է հայտնել՝ ապրում ենք խոսքի ազատության երկրում (կարծես թե Հայաստանում ենք, ոչ թե Աֆղանստանում):
Դադարե՛ք թիրախավորել քաղաքականությամբ զբաղվողների ծնողներին, երեխաներին կամ հարազատներին։ Վահագնի մայրը որևէ տարօրինակ բան չասաց, դեռ հակառակը՝ պարզ հայերենով ասաց, որ հաջորդ տարի նոր ընտրություն կլինի, չեք ցանկանա ընտրել ՔՊ, չեք ընտրի։ Սա ո՛չ առաջին, ո՛չ էլ վերջին դեպքն է, երբ խառնում են քաղգործիչների ծնողներին կամ երեխաներին։ Պետք չի, մի՛ արեք։ Դա ո՛չ ձեզ, ո՛չ էլ ձեր պայքարին պատիվ չի բերում։
Քննադատենք ցանկացած տեսակի բռնությունը»։