«Հնարավո՞ր է ունենալ գործադիր իշխանությունից անկախ ԲԴԽ». Գեղամ Նազարյան

Խորհրդարանը քննարկում է Բարձրագույն դատական խորհրդի անդամի ընտրության հարցը: «Քաղաքացիական պայմանագիր» խմբակցությունը ԲԴԽ անդամի պաշտոնում թեկնածու է առաջարկել Արմենուհի Հարությունյանին: «Իրականում հնարավո՞ր է ունենալ գործադիր իշխանությունից անկախ ԲԴԽ: Դուք իրոք մտածո՞ւմ եք, որ ԲԴԽ-ն կարող լինել անկախ ոչ միայն գործադիրից, այլև՝ ծանոթ-բարեկամ-հարազատ ազդեցությունից»,- հարցրեց պատգամավոր Գեղամ Նազարյանը: Արմենուհի Հարությունյանն ասաց. «Եթե ես չգտնեի, որ կարող ենք հասնել դատական իշխանության անկախություն ՀՀ-ում, չէի ընդունի առաջարկը՝ լինել ԲԴԽ անդամ, չէի կանգնի այստեղ, ելույթ չէի ունենա: Վստահ եմ՝ այլընտրանք, քան դատական անկախ համակարգ ունենալը, ՀՀ-ն չունի ու վստահ եմ՝ այդ նպատակին հասնելու ենք»: