«ՔՊ-ն որևէ կապ չունի»․ Ալեն Սիմոնյանը՝ Գյումրու ավագանու անդամի շուրջ ստեղծված իրավիճակի մասին

«Հիմա որ գալիս են այստեղ ու նամակներ են բաժանում պատգամավորներին, ասում են՝ եկեք վարչապետի իմպիչմենթ անենք, իրենք փորձում են ինչ-որ մեկին գողանա՞ն»,- ճեպազրույցի ժամանակ ասել է ԱԺ նախագահ Ալեն Սիմոնյանը՝ ի պատասխան դիտարկմանը, որ ՔՊ-ն փորձում է Գյումրիում մանդատ գողանալ՝ «Մեր քաղաքը» խմբակցությունից դուրս եկած Կարեն Բադալյանի միջոցով։

«Ոչ մեկ ոչ մեկին չի գողանում, ես այդ մարդուն չեմ ճանաչում։ Որևէ կապ «Քաղաքացիական պայմանագիր» կուսակցությունը չունի և ցանկություն էլ չունի որևիցե կապ ունենալ։ Մենք գյումրեցուն թողնում ենք իր ընտրության հետ։ Տեր ենք կանգնում ձայներին»,- նշել է ԱԺ նախագահը։