«Ինտեր»-ը դուրս է եկել եզրափակիչ

Իտալիայի չեմպիոն Միլանի «Ինտերը» լրացուցիչ ժամանակում 4:3 հաշվով հաղթել է Իսպանիայի փոխչեմպիոն «Բարսելոնային» և դուրս եկել Չեմպիոնների լիգայի եզրափակիչ։
Խաղի հիմնական ժամանակում Միլանի «Ինտերը» ոչ-ոքի էր խաղացել «Բարսելոնայի» հետ՝ 3։3։
Հայաստանի հավաքականի նախկին ավագ, կիսապաշտպան Հենրիխ Մխիթարյանն «Ինտերի» մեկնարկային կազմում էր և փոխարինվել է 79-րդ րոպեին։ 69-րդ րոպեին նա զգուշացվել էր դեղին քարտով։
Լրացուցիչ ժամանակի առաջին խաղակեսի 99-րդ րոպեին հաղթական գոլը հեղինակել էր Դավիդե Ֆրատեզին՝ եզրափակիչի ուղեգիր պարգևելով «Ինտերին»։
Միլանյան ակումբը եվրոպական ակումբային ամենահեղինակավոր մրցաշարի եզրափակիչ է դուրս եկել՝ ընդհանուր 7:6 հաշվով։
Եզրափակիչում «Ինտերը» կխաղա ՊՍԺ – «Արսենալ» զույգի հաղթողի հետ։