Կառլո Անչելոտին նշանակվել է Բրազիլիայի հավաքականի գլխավոր մարզիչ

Կառլո Անչելոտին ստանձնել է Բրազիլիայի ազգային հավաքականի գլխավոր մարզչի պաշտոնը, հաղորդում է Բրազիլիայի ֆուտբոլի կոնֆեդերացիայի (CBF) մամուլի ծառայությունը։
Անչելոտին Բրազիլիայի հավաքականը կպատրաստի 2026 թվականի աշխարհի առաջնությանը։

«Անչելոտիին Բրազիլիայի ազգային հավաքականի ղեկին բերելը միայն ռազմավարական քայլ չէ,- ասել է CBF-ի նախագահ Էդնալդո Ռոդրիգեսը։ - Սա ամբողջ աշխարհին ուղղված հայտարարություն է այն մասին, որ մենք վճռականորեն տրամադրված ենք՝ վերականգնել պատվո հարթակի ամենաբարձր աստիճանը։ Նա պատմության մեծագույն մարզիչն է, և հիմա նա կգլխավորի մոլորակի մեծագույն թիմը։ Միասին մենք կգրենք նոր փառահեղ գլուխներ բրազիլական ֆուտբոլի համար։

Անչելոտին կգլխավորի ազգային հավաքականը 2026 թվականի աշխարհի առաջնության որակավորման փուլի՝ Էկվադորի (հունիսի 6) և Պարագվայի (հունիսի 11) դեմ հունիսին կայանալիք խաղերում։

Իտալացի մասնագետը 65 տարեկան է և «Ռեալ Մադրիդը» գլխավորում է 2021 թվականից։ Նա նաև աշխատել է մադրիդյան ակումբում 2013-2015 թվականներին։ Իտալացի մասնագետի գլխավորությամբ «Ռեալ Մադրիդը» երկու անգամ դարձել է Իսպանիայի չեմպիոն, երկու անգամ՝ երկրի գավաթի և սուպերգավաթի հաղթող, երեք անգամ՝ Չեմպիոնների լիգայի և ՈՒԵՖԱ-ի սուպերգավաթի հաղթող։

Անչելոտին նաև Միլանին, Չելսիին, ՊՍԺ-ին և Բավարիային տարավ ազգային առաջնություններ։