«Անուններ կտամ` հայտնի «Գոջու» տղաներն են` 3 լկտի, անդաստիարակ լակոտ». դաժան ծեծից մահացած Պարգևի մայր

Դաժան ծեծի հետևանքով 13 օր կոմայի մեջ գտնվելուց հետո մեկ շաբաթ առաջ մահացած 23-ամյա Պարգև Հակոբյանի մայրը՝ Աիդա Գրիգորյանը, բացահայտում է անուններ՝ ովքեր են իր որդու մահվան պատճառը դարձել: Հիշեցնենք՝ Պարգևին դաժանաբար ծեծել էին իր մեքենայով անձրևի ժամանակ ծեծողների մեքենայի վրա անձրևաջուր լցնելու համար:
«Անուններ կտամ արդեն հստակ՝ հայտնի «Գուջու» տղաներն են՝ 3 լկտի, անդաստիարակ լակոտներ: Մեծ եղբայրն է եղել ղեկին՝ Գուգոն: Ասել ա՝ հասեք 7-րդ դպրոց, պուլպուլակի մոտ մեքենա կա կանգնած, եկեք, հարցերը լուծեք: Եկել են, տղայիս ասել՝ ով ա էս մեքենայի ղեկին եղել, տղաս ասել է՝ ես: Այնպես են ծեծել, որ 13 օր որդիս կոմայի մեջ է եղել: Այդ ողջ ընթացքում մեր ոստիկանները լկտիաբար ինձ, իմ եղբայրներին են կանչել հարցաքննության, հարսիս են կանչել, այնինչ ամբողջ քաղաքն էր խոսում, որ «Գոջու» տղաներն են եղել: Վերջինները նաև ամիսներ առաջ դանակահարել են մեկին, մեկ ուրիշ երեխային այնպես են ծեծել, որ հիմա գլխի կեսը պլաստմասսա է: Գիտենք մեկին, ում քիթն էին կոտրել, հիմա Ամերիկայում են: Ամբողջ քաղաքն, անգամ ոստիկանությունն է նրանցից վախենում, հովանավորներ ունեն»,- պատմում է որդեկորույս կինը:
«Ամբողջ փողոցում տեսախցիկներ էին, այնինչ ոստիկանությունը փորձում է կոծկել դեպքը: Մենք մեր վիշտը թողած՝ արդարություն ենք փնտրում: Էդ «Գոջին» էլ ա բերդում՝ մեծ որդու հանցանքներից մեկն է իր վրա վերցրել»,- բացահայտեց մայրը՝ մանրամասն պատմելով որդու կրած տառապանքներն ու մահը:
Առավել մանրամասն՝ տեսանյութում:
Հիշեցնենք, որ ժամեր առաջ հրաժարական էր ներկայացրել Էջմիածնի քաղաքապետ Դիանա Գասպարյանը: