«Հակոբ Արշակյանը կատարեց ենթադրյալ հանցագործություն»․ Էդգար Ղազարյան

Հասարակական-քաղաքական գործիչ Էդգար Ղազարյանը այսօր, քաղաքավիների ընդունելության շրջանակում, պետք է հանդիպեր ԱԺ նախագահի տեղակալ Հակոբ Արշակյանի հետ։ Սակայն վերջինս չընդունեց Ղազարյանին։

«Հակոբ Արշակյանը կատարեց ենթադրյալ հանցագործություն։ ԱԺ պատասխանատու աշխատակիցը փոխանցեց, որ Հակոբ Արշակյանը չի ցանկանում ընդունելության արժանացնել քաղաքական գործիչ Էդգար Ղազարյանին։ Ես մտածում եմ, որ հանրային ծառայողները, ովքեր պետական պաշտոն են զբաղեցնում, պարտավոր են կատարել իրենց պարտականությունները և կազմակերպել այն ընդունելությունը, որոնք իրենք են հայտարարել»,- լրագրողների հետ զրույցում ասաց Ղազարյանը՝ հայտնելով, որ Գլխավոր դատախազին հանցագործության մասին հաղորդում է ներկայացնելու նաև Հակոբ Արշակյանի դեմ։