«Հանցագործության մասին հաղորդում եմ ներկայացրել»․ Էդգար Ղազարյան

Հասարակակա, քաղաքական գործիչ Էդգար Ղազարյանի ֆեյսբուքյան գրառումը․ «Այսօր հանցագործության մասին հաղորդում ներկայացրեցի ՀՀ գլխավոր դատախազին՝ 2025 թվականի մայիսի 16-ին ՀՀ Ազգային ժողովի նախագահի տեղակալ Հակոբ Արշակյանի կողմից քաղաքացիների ընդունելության ժամանակ ինձ հետ հանդիպումից հրաժարվելու, դա քաղաքական հայացքներով պայմանավորված հանգամանքներով ներկայացնելու ենթադրյալ քրեական հանցագործության հատկանիշներով, որ նկարագրությունը տրված է ՀՀ քրեական օրենսգրքի 203-րդ հոդվածի 2-րդ մասով (խտրականություն)։
Շաբաթվա սկզբին նմանօրինակ ենթադրյալ հանցագործության հատկանիշներով հաղորդում է ներկայացվել նաև Ազգային ժողովի նախագահի մյուս տեղակալ Ռուբեն Ռուբինյանի դեմ։
Ակնկալում եմ, որ սեղմ ժամկետներում կնախաձեռնի քրեական վարույթ, իսկ առաջիկա քառօրյա նիստերի ընթացքում Գլխավոր դատախազը միջնորդություն կներկայացնի Ազգային ժողովին՝ Ռուբեն Ռուբինյանին և Հակոբ Արշակյանին անձեռնմխելիությունից զրկելու և նրանց մեղադրանք առաջադրելու նպատակով։
Իմպիչմենտի գործընթացը նախատեսում է թշնամախմբին հատիկ առ հատիկ և փաթեթային հեռացում։