Երեքշաբթի, 21 ապրիլի, 2026 թ.
|
Ստեփանակերտում`   +6 °C

«Իսկ ՄԱԿ-ի ԱԽ 4 բանաձևերը չեղյա՞լ են ճանաչել, որոնցով ԼՂ-ն ճանաչված է «Ադրբեջանի ռեգիոն». Վահրամ Աթանեսյան

«Իսկ ՄԱԿ-ի ԱԽ 4 բանաձևերը չեղյա՞լ են ճանաչել, որոնցով ԼՂ-ն ճանաչված է «Ադրբեջանի ռեգիոն». Վահրամ Աթանեսյան
369
Շաբաթ, 17 մայիսի, 2025 թ., 20:00

Քաղաքական վերլուծաբան Վահրամ Աթանեսյանի ֆեյսբուքյան գրառումը. «Մի փոքր էլ մարդիկ բացվեն, ամրապնդվելու է տպավորությունը, որ 1994 թվականին ոչ թե Ադրբեջանն է հրադադար խնդրել, այլ՝ Հայաստանը, որովհետև հունվար-փետրվար ամիսներին մարդկային ահռելի կորուստներ է կրել: Մի քիչ էլ որ ավելի անկեղծանան, խոստովանելու են, որ Հեյդար Ալիևը հրադադարին համաձայնել է մի պայմանով. Բիշքեկի «Արձանագրության» տեքստում ամրագրել, որ ռազմական գործողությունները կանգնեցվում են, որպեսզի կատարվեն ՄԱԿ-ի Անվտանգության խորհրդի չորս բանաձևերի պահանջները: Այսինքն՝ բացի նախկին ԼՂԻՄ-ի՝ այդ պահի դրությամբ վերահսկվող տարածքից և Լաչինի շրջանից, մյուս բոլորը պետք է վերադարձվեն Ադրբեջանին: Սրանք իրական, պաշտոնական ստորագրություններով հիմնավորվող փաստեր են: Բայց թե այդքանից հետո ինչպե՞ս են ասում, թե Նիկոլ Փաշինյանը ստում է, ոչ մի փաստաթուղթ ԼՂ-ն Ադրբեջանի մաս չի ճանաչել, կազուսը դա է: Իսկ ի՞նչ անենք ՄԱԿ-ի ԱԽ չորս բանաձևերի հետ, որտեղ Լեռնային Ղարաբաղը ճանաչված է «Ադրբեջանական Հանրապետության ռեգիոն»: «Մադրիդյան սկզբունքները» կամ «Լավրովի պլանը» ՄԱԿ-ի ԱԽ այդ բանաձևերը չեղյա՞լ են ճանաչել»:

Աղբյուրը`   Վահրամ Աթանեսյան