«Զգուշավորություն ցուցաբերեք Մարուքյանի թեկնածության օգտին ձայներ տալու հարցում». Էդգար Ղազարյանը՝ ընդդիմադիր պատգամավորներին

389

Կիրակի, 18 մայիսի, 2025 թ., 00:36

Հասարակական-քաղաքական գործիչ Էդգար Ղազարյանը ֆեյսբուքյան ուղիղ եթերով անդրադարձել է Նիկոլ Փաշինյանին անվստահություն հայտնելու (իմպիչմենթի) գործընթացին:

«Էդմոն Մարուքյանն ասաց՝ եթե լինի նախաձեռնությանը միացող 36 պատգամավոր, իրենք կսկսեն վարչապետին անվստահություն հայտնելու պաշտոնական գործընթացը: Սա սխալ մոտեցում է: 36 ստորագրությունն անհրաժեշտ է գործընթացը սկսելու համար, բայց պարտադիր չէ:

Հորդորում եմ ընդդիմադիր խմբակցությունների պատգամավորներին, եթե առաջիկայում հանդիպեն Էդմոն Մարուքյանին, զգուշավորություն ցուցաբերեն՝ նրա թեկնածության օգտին իրենց ձայները տալու հարցում: Իմ ակնկալիքն է, որ նրանք ավելի շուտ սկսեն իրենց սեփական նախաձեռնությունները, քան առանց երաշխիքների միանան այս թեկնածությամբ մեկնարկած նախաձեռնությանը»,- նշել է Էդգար Ղազարյանը:

Աղբյուրը` Էդգար Ղազարյան