«Այսօրվանից դադարեցնում եմ իմ լիազորությունները»․ Տիգրան Տեր-Մարգարյան

Նոր Նորք վարչակա շրջանի ղեկավար Տիգրան Տեր-Մարգարյանը քաղաքապետարանի գործակարգավարական խորհրդակցության ժամանակ հայտնեց, որ հրաժարական է տալիս։ «Տեղի ունեցած սադրանքը և դրան հաջորդած գործողությունները դարձան լայն քննարկման առարկա՝ հասնելով ՀՀ թիվ մեկ ամբիոն, որտեղ սկսվեց քննարկվել իմ անձը։ Ճամբարից ճամբար թռած անձինք հանուն մանդատի սկսեցին քննարկել իմ անձը։ Համոզված եմ, որ դրան հաջորդելու է նաև և դառնալու է շահարկման առարկա այն, որ լինելով վարչական շրջանի ղեկավար, խոչընդոտելու եմ դատավարության ընթացքին։ Հետևաբար այսօրվանից դադարեցնում եմ իմ լիազորությունները»,- ասաց նա՝ շնորհակալություն հայտնելով «Հանրապետություն» կուսակցության ղեկավար Արամ Սարգսյանին, քաղաքապետ Տիգրան Ավինյանին ու մասիվցներին։ Ապա, խոսքն ուղղելով ԱԺ ընդդիմադիրներին, նշեց․ «Խոսքս ուղղում եմ ԱԺ-ում ծվարած որոշ մանդատագողներին։ 2026 թվականը սարերի ետևում չի և 2026 թվականին ես մասնակից եմ լինելու ձեր քաղաքական վախճանին»։