Ալեն Սիմոնյանը «հետախուզում է հայտարարել» ականատես կնոջ նկատմամբ ու մեկնել պայթյունի վայր

ԱԺ նախագահ Ալեն Սիմոնյանը քիչ առաջ ֆեյսբուքյան իր էջում հրապարակեց տեսանյութ՝ հայտարարելով, թե գնում է Բաղրամյան 26-ի հարևան տարածք, որտեղ էլ կփորձի պարզել՝ իրե՞նն են արդյոք կառուցվող շենքերը, որոնց շինարարության պատճառով էլ տեղի է ունեցել Սիլվա Կապուտիկյան փողոցի վթար-պայթյունը: Նա կոչ արեց շենքերի «իրական տերերին» գալ դեպքի վայր, որովհետև ինքը հետամտորեն ապացուցելու է, թե ում են դրանք պատկանում:
Ավելի վաղ նա հայտարարել էր, որ որոնում է այն կնոջն, ով ասել էր, որ շենքերից մեկն Ալեն Սիմոնյանինն է: «Խնդրում եմ օգնել ինձ՝ գտնել այս՝ Բաղրամյան 26-ի հարևանությամբ բնակվող կնոջը: Անուն Ազգանուն հեռախոսահամար»,- կնոջ լուսանկարին կից գրել էր նա՝ ավելի ուշ ջնջելով իր այս գրառումը: