«ԵՄ-ն մտադիր է չեղարկել Սիրիայի դեմ պատժամիջոցները»․ Կալլաս

ԵՄ երկրները մտադիր են վերացնել Սիրիայի դեմ պատժամիջոցները, հայտարարել է ԵՄ արտաքին գործերի նախարար Կայա Կալլասը՝ ԵՄ արտաքին գործերի և պաշտպանության նախարարների հանդիպմանն ընդառաջ, հաղորդում է արաբական Leaders MENA ամսագիրը X-ում։

«Հուսով եմ, որ ԵՄ երկրներն այսօր համաձայնության կգան Սիրիայի նկատմամբ պատժամիջոցները վերացնելու հարցում»,- նշել է Կալլասը։

ԱՄՆ նախագահ Դոնալդ Թրամփը մայիսի 13-ին Սաուդյան Արաբիայում կայացած բիզնես ֆորումի ժամանակ խոստացել էր վերացնել Սիրիայի դեմ պատժամիջոցները և նրան ևս մեկ հնարավորություն տալ։ Ամերիկյան պատժամիջոցները «կոշտ էին և կաթվածահար անող», բայց դրանք կարևոր դեր ունեին, ասել էր Թրամփը։

«Times»-ը նախօրեին հաղորդել էր, որ Սիրիայի իշխանությունները պատրաստ են մի շարք զիջումների գնալ՝ Բաշար ալ-Ասադի նախագահության օրոք սահմանված ամերիկյան պատժամիջոցների չեղարկման համար։ Ըստ լրատվամիջոցի՝ Դամասկոսը Թրամփին կարող է առաջարկել համաձայնագիր կնքել Սիրիայում բնական պաշարների մշակման համար ամերիկյան ընկերությունների հասանելիության վերաբերյալ՝ ինչպես Ուկրաինայի դեպքում։