«Եթե մեր երկրում ծավալվող իրադարձությունների համար ազդեցություն ունի Պուտինը, բա դո՞ւ ում ես պետք»․ Էդգար Ղազարյան

Քաղաքական-հասարակական գործիչ Էդգար Ղազարյանը «168-ի» հետ զրույցում անդրադառնալով իշխանությունների հայտարարություններին, ըստ որոնց՝ թեև Նիկոլ Փաշինյանն է ճանաչել Արցախը Ադրբեջանի կազմում, բայց մեղավորը Վլադիմիր Պուտինն է, մեղավոր են նաև նախկին իշխանությունները, նշեց․ «Եթե դու ես պաշտոնավարում, բայց մեր երկրում ծավալվող իրադարձությունների համար ազդեցություն ունի Վլադիմիր Պուտինը, բա դո՞ւ ում ես պետք»:

«Ստացվում է, որ քո պաշտոնավարման շրջանում մեր երկիրը դարձել է Ռուսաստանի ծայրագավառ, որովհետև դու ասում ես՝ այլ երկրի նախագահի որոշումներն են ազդում մեր երկրի կյանքի վրա: Մեր պատկերացումներով՝ պետք է քո որոշումները, որպես վարչապետ, ազդեին: Դու ասում ես՝ նախկիններն են մեղավոր․ նախկինները հա՛մ իրենց պաշտոնավարման շրջանի համար են մեղավոր, հա՛մ քո՞: Այդպես ո՞նց է լինում․․․ Ես հիմա որ մարզպետ եմ եղել, իմ պաշտոնավարման շրջանի համար ո՞վ պետք է պատասխան տա»,- հավելեց Ղազարյանը։

Առավել մանրամասն՝ տեսանյութում։