«Իշխանությունը պետք է գնա վերափոխումների ճանապարհով»․ Վիլեն Գաբրիելյան

ԱԺ նախկին պատգամավոր Վիլեն Գաբրիելյանը ֆեյսբուքյան իր էջում հրապարակել է «Գործարար ալիք»-ին տված հարցազրույցը՝ կից գրելով․ «Հյուրախաղերիցս հետո առաջին հարցազրույցն է՝ տարբեր այդ թվում քաղաքական հարցադրումների շուրջ»։
Հարցազրուցի ժամանակ նախկին պատգամավորը բացի այն, որ քննադատում է խորհրդարանական ընդդիմությանը, անդրադառնում է նաև իշխանության բացերին։ Հարցին՝ պատկերացրեք ընդդիմադիր պատգամավոր եք, իշխանության ո՞ր քայլերը կքննադատեք, Գաբրիելյանը պատասխանեց․ «Կարծում եմ՝ իշխանությունը պետք է գնա վերափոխումների ճանապարհով, այսինքն «բարեփոխում» բառը պետք է դուրս գա իշխանության խոսույթից։ Մենք պետք է ոչ թե բարեփոխումներ անենք, այլ վերափոխումներ։ Հերիք չի ՀՀ-ում գոյություն ունեցող համակարգերը, ինստիտուտները ի սկզբանե հիմնված են եղել սխալ հիմքերի ու սկզբունքների վրա, տասնյակ տարիներ այդ սխալ հիմքերը խաթարվել ու նեխել են։ Ինձ համար միանշանակ է, որ այդ համակարգերի վերափոխման ճանապարհով պետք է գնանք»,- ասաց նա։