«Մենք պետք է վախենա՞նք մտնել ԱԺ դահլիճ․ այդպիսի որոշում չունենք»․ Աննա Գրիգորյան

«Առաջին դեպքը չէր, որ ՔՊ խմբակցության պատգամավորները ֆիզիկական ներգործության իրավիճակներ են փորձում սադրել, դա նոր բան չէ, համենայն դեպս, «Հայաստան» խմբակցությունն ԱԺ չգնալու որոշում չունի»,- այս մասին 24TV-ի եթերում նշեց ԱԺ պատգամավոր Աննա Գրիգորյանը՝ անդրադառնալով նախորդ քառօրյայի ժամանակ տեղի ունեցած միջադեպին և դրան հաջորդած հայտարարություններին։

«Ի՞նչ եք կարծում՝ մենք պետք է վախենա՞նք մտնել այդ դահլիճ։ Դա իրե՞նց դահլիճն է․․․ Եթե այդպես լինի, մենք ընդհանրապես պետք է վախենանք ԱԺ դահլիճ մտնել, ընդհանրապես պետք է Նիկոլ Փաշինյանի հետ որևէ կերպ չառերեսվենք, պետք է վախենանք փողոցում քայլել, որ չարժանանանք Սոնա Մնացականյանի ճակատագրին, ու ընդհանրապես չպետք է կարողանանք այս երկրում շնչել ու արտաշնչել։ Այդպես չի լինելու։ Մենք ժողովրդի ձայնն ենք ներկայացնում, ԱԺ ամբիոնն իրենց ամբիոնը չէ, մեր ամբիոնն է, հետևաբար որևէ զիջում մեր կողմից չի լինելու»,- նշեց ընդդիմադիր պատգամավորը։