«Իմպիչմենթն օրակարգ բերելը մկանների անարդյունք ցուցադրում է»․ Սենոր Հասրաթյան

Արցախի ՊԲ նախկին խոսնակ Սենոր Հասրաթյանի ֆեյսբուքյան գրառումը․ «Հայկական իրականության ներկա վիճակում, երբ օրենսդիր մարմնի իշխող մեծամասնությունը տարիներով անհաղորդ է երկրի հետ կատարվող կործանարար անկմանը և կուրորեն պաշտպանում է այդ ընթացքն առաջնորդող իր քաղաքական ղեկավարին, որքանով էլ ցավալի, բայց նման պայմաններում օրակարգ բերված իմպիչմենթը ոչ այլ ինչ է, քան սոսկ մկանների անարդյունք ցուցադրում...
նիկոլի Հայաստանում անվստահության գործընթաց սկսելն ու իրականացնելն անարդյունք է լինելու այնքան ժամանակ, քանի դեռ հավաքական ընդդիմությունը՝ ներիշխանական ճակատում ճեղքեր փնտրելու փոխարեն, զբաղված է սեփական թևերի բևեռացմամբ։
Քաղաքակիրթ հասարակությունների պարագայում իմպիչմենթը ենթադրում է ոչ միայն ընդդիմության կողմից ներկայացվող միակողմանի պահանջ (անգամ, եթե այն վայելում է բազմահազար զանգվածների համակրանքն ու աջակցությունը), այլ նաև իշխող ուժի շարքերում առկա հակասություններ։
Հ.գ.-Արցախը երբեք չէր հանձնվի, եթե թշնամին ապավիներ միայն զենքի ուժին և չօգտվեր նաև մեր ներքին հակասություններից»։