«Մեր երկրում միանշանակ պետք է փոփոխություններ լինեն»․ Դավիթ Սանասարյան

«6 ու կես տարի անց ամենակարևոր ասելիքս է․ շնորհակալ եմ բոլորից, ովքեր ինձ մի վայրկյան չկասկածեցին ու բոլոր նրանց ովքեր կողքիս մնացին։ Առանց ձեզ արդարությունը կխեղդվեր չեկիստական անկյուններում»,- գրել է ՊՎԾ նախկին ղեկավար Դավիթ Սանասարյանը։

Հիշեցնենք՝ այսօր Երևանի քրեական դատարանը՝ դատավոր Դավիթ Բալայանի նախագահությամբ հրապարակեց ՊՎԾ նախկին ղեկավար Դավիթ Սանասարյանի վերաբերյալ դատավճիռը՝ նշելով, որ Սանասարյանն արդարացվել է հանցակազմի բացակայության հիմքով:

Սանասարյանին մեղադրանք էր առաջադրվել այն բանի համար, որ նա, հանդիսանալով ՀՀ ՊՎԾ ղեկավար, խմբային շահերից ելնելով, իր պաշտոնեական դիրքն օգտագործել է ծառայության շահերին հակառակ, ինչպես նաև չի կատարել իր ծառայողական պարտականությունները:
Դատական նիստից հետո լրագրողների հետ զրույցում Սանասարյանն ասել էր․ «Կյանքը շարունակվում է։ Ապօրինի մեղադրել են, չեն հասել իրենց ուզածին։ Իրենց ուզածն այն էր, որ ինձ հեռու պահեն պետական համակարգից, իմ տեսակի հետ էին կռիվ տալիս։ Մեր երկրում փոփոխություններ միանշանակ պետք է լինեն՝ վաղ, թե՝ ուշ։ Անկախ նրանից, թե ով է լինելու երկրի իշխանության գլխին, այդ փոփոխությունները լինելու են»։