«Ո՞րն է երաշխիքը, որ ավելի ցածր կաշառքով երեխային չեն ազատի բանակից»․ Գեղամ Նազարյան

«Ինձ համար շատ մտահոգիչ է Հայկ Սարգսյանի բերած օրենքի նախագիծը։ Պատկերացրեք, որ ամեն մեկս մեր երեխային ազատենք բանակից։ Դա նշանակում է պետության լուծարում»,- «Նյուզ»-ի հետ զրույցում ասել է ԱԺ պատգամավոր Գեղամ Նազարյանը՝ նշելով, որ «մեր հասարակությունը կարծես թե օքեյ է բանակից երեխաներին ազատողների նկատմամբ»։

«Եթե մենք սահմանում ենք գումար՝ բանակից ազատվելու համար, իսկ ո՞րն է երաշխիքը, որ մարդը նորից չի գնալու, ավելի ցածր գնով կաշառք տալով իր երեխային ազատի բանակից։ Այս խնդիրը տվյալ առաջարկով լուծված չէ»,- ընդգծել է պատգամավորը՝ բերելով օրինակ, որ ընտանիքում կռիվ է լինելու կնոջ ու ամուսնու միջև, կինն ասելու է՝ Վաղինակը ո՞նց գումարով իր երեխային ազատեց բանակից, դու էլ գումարը հավաքի, ազատի։

«Մենք պետք է լրջանանք՝ որպես պետություն»,- հավելել է նա։