«Ջուրը չենք կարողանում խմել, ինչ զիբիլ ասես՝ կա մեջը»․ Թաիրովի բնակիչներ

Արդեն տևական ժամանակ է, ինչ Արմավիր մարզի Փարաքար խոշորացված համայնքի, մասնավորապես Թաիրովի բնակիչները զրկված են խմելու մաքուր ջրից։ Այս մասին «ԱրմԼուր»-ին ահազանգել են բնակչները։ «Էս ջրի մեջ ինչ զիբիլ ասես՝ չկա։ Էս վերջերս փոխեցին ջուրը։ 20 տարի է այստեղ եմ ապրում, նորմալ ջուր ենք ունեցել, մանրից շարքից հանեցին։ Հիմա փողով ջուր ենք առնում... Ժողովրդին մանրից կոտորում ա, էսի ղեկավար չի, իրա կնգա հետ ուտում ա ժողովրդին, լոմը դրած քանդում են երկիրը»,- ասում է բնակիչներից մեկը։
«Ծնվել, մեծացել եմ այստեղ, սենց չի եղել, ջուրը փոխեցին ու արդեն 15 օր է ջրի վիճակն այսպես է։ Չենք խմում, մենակ աման-չաման ենք լվանում, խանութից առնում ենք»,- ասում է մեկ այլ բնակիչ։ «Որ էդ ջուրը խմում ես, կոկորդդ փառ է բռնում, ստամոքսդ ցավում է ու սրտխառնոց է առաջացնում։ Սա մարդասպանություն է։ Հարկերը հավաքում են, արտեզյան զիբիլ ջուր են տալիս ժողովրդին»,- ասում են նրանք։