«Ապօրինի կենակցիդ աշխարհին ներկայացնում ես իբրև առաջին տիկին»․ Միքայել Աջապահյան

«Քո ընտանիքով զբաղվիր։ Աստծո և օրենքի առաջ դուք ամուսիններ չեք։ Ինքներդ խոստովանում եք և անարգում եք ԶԱԳՍ-ի՝ պետական գրանցման ինստիտուտը։ Քեզ համարելով պետական համար մեկ մարդը՝ անարգում ես պետական ամուսնության գրանցման ինստիտուտը»,- «5-րդ ալիք»-ի եթերում ասել է Շիրակի թեմի առաջնորդ Միքայել արքեպիսկոպոս Աջապահյանը՝ դիմելով Նիկոլ Փաշինյանին և անդրադառնալով նրա՝ եկեղեցուն և հոգևորականներին ուղղված հայտարարություններին։

Միքայել արքեպիսկոպոսի խոսքով՝ Փաշինյանը մտել է ուրիշի անկողին, ուրիշի արտամուսնական զավակների մասին է մտահոգվում, մինչդեռ իր արտամուսնական զավակների մասին պետք է մտածի։ «Պղծության մեջ իրենք են, բայց գոռում է՝ բռնեք պիղծերին»,- ընդգծել է Աջապահյանը և հավելել․ «Ապօրինի կենակցում ես և ապօրինի կենակցիդ էլ ներկայացնում ես աշխարհին իբրև առաջին տիկին»։