«Նիկոլ Փաշինյանը պետք է ծեծի՞ Կաթողիկոսին, շրջափակի՞»․ Գառնիկ Դանիելյան

«Ես երկու տարբերակ գիտեմ, որ Կաթողիկոսը կարող է հեռանալ իր պաշտոնից, մեկը՝ առողջական վիճակից ելնելով, մյուսը, որ ֆիզիկապես չլինի»,- Yerevan Tribune-ի հետ զրույցում ասաց ԱԺ «Հայաստան» խմբակցության պատգամավոր Գառնիկ Դանիելյանն՝ անդրադառնալով վարչապետ Նիկոլ Փաշինյանի հայտարարությանը, թե Կաթողիկոսը պետք է հեռանա։ «Նիկոլ Փաշինյանը երրորդ տարբերակ գիտի՞, ի՞նչ պիտի անի՝ շրջափակի՞, ծեծի՞, խոշտանգի՞, ի՞նչ ա ուզում անի, թող ասի իմանանք էլի։ Մնացած բոլոր ուղիները ո՛չ իրավական են, ո՛չ բարոյական։ Չգիտեմ՝ էս մարդը ինչ շեղումներ ունի, չեմ կարողանում հասկանալ ամենօրյա գրառումներով ի՞նչ է ուզում անել»,- ասաց Դանիելյանը՝ հիշեցնելով այն բոլոր «չարիքները», որոնք Փաշինյանը բերել է անցնող 7 տարիների ընթացքում։