«Կարևոր չէ՝ ով էր հեղինակը, իսկական ժողովրդական նախաձեռնություն էր»․ Արսեն Բաբայան

Փաստաբան Արսեն Բաբայանի ֆեյսբուքյան գրառումը․ «Փաստորեն հիմա էլ ակտիվորեն քննարկվում է, թե ով նախաձեռնեց գիշերվա ամենակարևոր ակցիան, ով միացավ, ում կոչն էր, և այսպես շարունակ։
Կուսակցական ընկերներս հատկապես գրում են ինձ․ «Ախր ո՞նց չեն ամաչում, չէ՞ որ բոլորը տեսան, որ Արթուր Վանեցյանն էր առաջինը…»։
Սիրելի ընկերներ, համախոհներ, դադարեցրեք նման քննարկումները։
Որևէ նշանակություն չունի, որ առաջինը Արթուր Վանեցյանն էր. դրանից քիչ անց կոչով հանդես եկավ Իշխան Սաղաթելյանը, հետո՝ մեր մյուս ընկերները։
Սա այլևս որևէ նշանակություն չունի։ Այդ նախաձեռնությունն այնպիսի արձագանք ստացավ, այնպիսի ոգևորություն առաջացրեց, որ ինքնաբերաբար դարձավ ժողովրդական շարժում։
Այն այլևս չունի հեղինակ, կոչ անող, կազմակերպող։ Այն դարձավ ամբողջ ժողովրդի հեղինակածը, դարձավ ժողովրդի կոչը, և հենց ժողովուրդն էլ կազմակերպեց ու իրականացրեց։
Սա հազվադեպ հանդիպող, իսկական ժողովրդական նախաձեռնություն էր։
Պատճառը պարզ է՝ Եկեղեցին Սուրբ է, և մենք գիտենք, թե ինչպես պետք է պաշտպանենք մեր սրբությունները»: