«Իրանի հայ համայնքում տուժածներ չկան․ ավելի շատ անհանգստանում ենք ՀՀ-ի համար»․ Իսակ Յունանեսյան

Իրանի հայ համայնքը վտանգված չէ։ Այս մասին ABC media-ի հետ զրույցում ասել է Իրանում Հայ դատի հանձնախմբի նախագահ Իսակ Յունանեսյանը։

«Բարեբախտաբար, հարվածները մեր թաղամասերին չեն հասել։ Զոհեր, վիրավորներ չունենք հայ համայնքում։ Իսրայելը հարվածում է հատուկ նշանակության բազաներին, կետերին»,- նշել է Հունանեսյանը։
Ուրբաթ օրերին Իրանում ոչ աշխատանքային է, ինչի շնորհիվ է նաև, որ հայ համայնքը առանց կորուստների է։ Հունանեսյանի խոսքով՝ մարդիկ իրենց տանն են, խուճապ չկա։

«Մենք ավելի շատ անհանգստանում ենք Հայաստանի համար։ Էշի ականջում քնած իշխանությունը չի հասկանո՞ւմ, որ ամեն վայրկյան այս վիճակից օգտվելով, Ադրբեջանը կարող է հարձակվել Հայաստանի՝ Սյունիքի մարզի վրա։ Թող արթնանան»,- ասել է Հայ դատի հանձնախմբի նախագահ Իսակ Հունանեսյանը։