«Լրջացե՛ք, հայե՛ր, մեզ երկրին պաշտպան կանգնող իշխանություն է պետք»․ Նաիրա Կարապետյան

ԱԺ նախկին պատգամավոր Նաիրա Կարապետյանի ֆեյսբուքյան գրառումը․ «Լրջացե՛ք, հայե՛ր ջան, մեզ երկրին պաշտպան կանգնող իշխանություն է պետք:
Իրանական ԶԼՄ-ները նշում են, որ հարվածներ են եղել նաև «Ադրբեջանի տարածքից»:
Հիշենք, որ Արցախին տիրանալուց անմիջապես հետո Ադրբեջանը Վարանդայում (Ֆիզուլի) կառուցեց օդանավակայան՝ 8 ամսում, որը բացվեց 2021թ. հոկտեմբերին, ապա մեկ տարի անց բացվեց օդանավակայան Կովկասականում (Զանգելան):
Հիմա բացվել է միջազգային օդանավակայան Քաշաթաղում (Լաչին):
Աշխարհագրություն իմացողները հասկանում են, թե ինչքան մոտ են դեպքերը զարգանում, քաղաքագետները հասկանում են, թե ինչպիսի հրաբուխ կարող է ժայթքել տարածաշրջանում, դիվանագետները ուրվագծում են ուղիներ, որոնք կօգնեն խուսափել Երրորդ Աշխարհամարտից, և միայն մեր երկրին տիրած խումբն է զբաղված կարևորը թողած՝ աղմուկ ստեղծելով-կաթողիկոս, ձերբակալություններ, «Իրական Հայաստան» ուտոպիական արշավ, հեծանիվ և ընտանեկան շրջագայություններ…
Հ.Գ. Տեղանունների թուրքական անվանումները գրում եմ որոշակի շրջանակների համար, որ գտնեն քարտեզի վրա ու պատկերացնեն իրական վտանգը»։