Կիրակի, 23 օգոստոսի, 2026 թ.
|
Ստեփանակերտում`   +30 °C

«Իսրայելը հարվածել է 10 անգամ ավելի ուժեղ, քան Թեհրանը սպասում էր»․ Թրամփ

«Իսրայելը հարվածել է 10 անգամ ավելի ուժեղ, քան Թեհրանը սպասում էր»․ Թրամփ
395
Շաբաթ, 14 հունիսի, 2025 թ., 08:26

Իսրայելը Իրանին հարվածել է տասը անգամ ավելի ուժեղ, քան Թեհրանը սպասում էր։ Սա է Իսրայելի հարձակումների վերաբերյալ ԱՄՆ նախագահ Դոնալդ Թրամփի տված գնահատականը, նրա խոսքերը հաղորդում է Fox News-ի լրագրող Ջենիֆեր Գրիֆինը X սոցիալական ցանցում։

«Իրանցիներին հարվածել են տասը անգամ ավելի ուժեղ, քան նրանք սպասում էին։ Նրանք պատրաստ չէին բանակցությունների։ Կարծում եմ՝ նրանք հիմա կարող են պատրաստ լինել։ Կտեսնենք», - ասել է նա։

Ավելի վաղ Թրամփը հայտարարել էր, որ չի անհանգստանում Մերձավոր Արևելքում տարածաշրջանային պատերազմի հնարավոր բռնկման համար։ Նրա խոսքով՝ Իսրայելի նպատակն է կանխել Իրանի կողմից միջուկային զենքի ձեռքբերումը։

Ավելի վաղ Իրանը մեղադրել էր ԱՄՆ-ին Իսրայելի հարձակումներին աջակցելու մեջ։ «Իսրայելի ռեժիմը՝ Միացյալ Նահանգների լիարժեք հետախուզական և քաղաքական աջակցությամբ, մի շարք համակարգված և միտումնավոր ռազմական հարձակումներ է իրականացրել Իրանի մի քանի քաղաքներում», - ասել է ՄԱԿ-ում Իրանի մշտական ​​ներկայացուցիչ Ամիր-Սաիդ Իրավանին։