ԱԺ նստաշրջանը հագեցած է լինելու. «Ժողովուրդ»

162

Երեկ, 08:42

«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ հունիսի 17-ին մեկնարկելիք ԱԺ հերթական նստաշրջանի վերջին նիստը շատ հագեցած է լինելու: Մեր տեղեկությունների համաձայն՝ իշխանությունները նպատակ ունեն ոչ միայն քննարկելու 2024 թվականի կառավարության բյուջեի կատարման հաշվետվությունը, այլ նաեւ դատավորների ընտրություններ են սպասվում:
Տեղեկացանք, որ նախ Վճռաբեկ դատարանի քրեական պալատի դատավորի թեկնածուի ընտրություն է կայանալու:

Բարձրագույն դատական խորհուրդը Վճռաբեկ դատարանի քրեական պալատի դատավորի թափուր տեղում ընտրելու համար առաջարկել է Լուսինե Աբգարյանի, Արմեն Դանիելյանի եւ Նելլի Բաղդասարյանի թեկնածությունները:

Ըստ մեր տեղեկությունների՝ նաեւ որոշել են Սահմանադրական դատարանի դատավոր ընտրել ու թեկնածուն ՀՀ արդարադատության նախկին նախարար Արտակ Զեյնալյանն է:

Ի դեպ, հիշեցնենք, որ այս նստաշրջանին ՀՀ գլխավոր դատախազ Աննա Վարդապետյանն է խորհրդարան գալու՝ երկու ընդդիմադիր պատգամավորների անձեռնմխելիությունից զրկելու, քրեական վարույթ հարուցելու համար»։

Մանրամասները՝ թերթի համարում: