Շաբաթ, 31 հունվարի, 2026 թ.
|
Ստեփանակերտում`   +12 °C

«Իրանի համար «ինքնասպանություն» կլինի Հորմուզի նեղուցի փակումը». Վենս

«Իրանի համար «ինքնասպանություն» կլինի Հորմուզի նեղուցի փակումը». Վենս
393
Կիրակի, 22 հունիսի, 2025 թ., 19:32

ԱՄՆ փոխնախագահ Ջեյ Դի Վենսը հայտարարել է, որ Հորմուզի նեղուցում նավագնացությունը խափանելու Իրանի փորձը լուրջ տնտեսական հետևանքներ կունենա Թեհրանի համար և կլինի «ինքնասպանություն»։

Կիրակի՝ ավելի վաղ Իրանի խորհրդարանի ազգային անվտանգության և արտաքին քաղաքականության հանձնաժողովի անդամ Իսմայիլ Կովսարին հայտարարել էր, որ խորհրդարանը կարծում է, թե անհրաժեշտ է փակել Հորմուզի նեղուցը, սակայն վերջնական որոշումը պետք է հաստատվի Ազգային անվտանգության խորհրդի կողմից։

«Նրանց ողջ տնտեսական գործունեությունն իրականացվում է Հորմուզի նեղուցով։ Եթե նրանք ցանկանում են ոչնչացնել այն և համաշխարհային ճգնաժամ առաջացնել, դա նրանց որոշումն է։ Բայց ինչո՞ւ պետք է դա անեն։ Դա ինքնասպանություն կլինի», - NBC-ի եթերում ասել է Վենսը։