«Դոգի բացը լրացնում են Նիկոլ Փաշինյանն ու հոգևորականներից մի քանիսը»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Դոգի տեղը կամ սուրբ տեղը դատարկ չի մնում
Ցավալի է, բայց Դոգի տեղը կամ Դոգի բացը լրացնում են ՀՀ վարչապետ Նիկոլ Փաշինյանն ու Մայր Աթոռ Սուրբ Էջմիածնի հոգևորականներից մի քանիսը՝ իրենց բառապաշարով մոտենալով Դոգին:
Այսպիսի անկում չէի պատկերացնում:
Բայց պատկերացնում եմ արդեն, թե ինչ բառապաշար են օգտագործելու առաջիկայում՝ մինչև ընտրություններ:
Եթե Փաշինյանի թիմում չկա մեկը կամ նրա շրջապատից որևէ հեղինակություն, ով կհամարձակվի ՀՀ վարչապետին ասել, որ պարկեշտ չէ, հարիր չէ, ամոթալի է նման բառապաշարը, ապա Մայր Աթոռի դեպքում Գարեգին Բ Ամենայն Հայոց կաթողիկոսը կարող է սաստել նույնքան ամոթալի բառապաշար օգտագործող հոգևորականներին:
Բայց չի անում:
Մտածել է պետք, թե ինչու»: