«Ինքը պարտավոր է իր դիրքորոշումը փոխել». Հովիկ Աղազարյան

«Շատ կարճ ժամանակահատվածում կոնսենսուս առաջացավ ընդդիմադիր խմբակցությունների մասնակցությամբ, 36 ստորագրություն պատրաստ է, որպեսզի հարցը մտնի օրակարգ: Միքայել Սրբազանն այն անձնավորությունն է, որն անառարկելի հեղինակություն է»,- ԱԺ-ում լրագրողների հետ զրույցում ասաց պատգամավոր Հովիկ Աղազարյանը՝ անդրադառնալով Միքայել Աջապահյանի թեկնածությամբ անվստահության նախաձեռնությանը: Հարցին՝ հույս ունե՞ք, որ այդուհանդերձ Սրբազանը կհամաձայնի (Սրբազանը խնդրել էր իր անունը չշահարկել վարչապետի թեկնածուների շարքում-խմբ.», պատգամավորը նշեց. «Վախենում եմ խոսքեր ասել՝ չվնասեմ գործընթացին... Ինքը պարտավոր է իր դիրքորոշումը փոխել, իհարկե խնդրանքով եմ դիմում: Կարծում եմ՝ ինքն այն անձնավորությունն է, որ հաշվի առնելով իր հեղինակությունը հասարակության մեջ, պարտավոր է փոխել դիրքորոշումը»: