«Եթե նախկին նախագահները ձայն չեն հանում, ապա լռակյաց կարող են արդարացնել ցանկացած տեսակի ահաբեկչության փորձ»․ Վլադիմիր Վարդանյան

«Ահաբեկչության դեմ պայքարը ոչ միայն մեր ճաշակի հարցն է կամ Հայաստանի ընտրած ժողովրդավարական ճանապարհի հարցն է, այլ ՀՀ ստանձնած միջազգային պարտավորությունների մաս է։ Այսինքն՝ մենք ոչ միայն իրավունք ունենք, այլ նաև պարտավոր ենք դատապարտել ահաբեկչության ցանկացած եղանակ։

Մենք կոնկրետ դեպքի հետ կապված մեսիջ ենք հղում, որն ավելի շատ ուղղված է ապագային»,- այս մասին ԱԺ-ում ՔՊ-ի նախաձեռնած «Բռնության ճանապարհով պետական իշխանությանը տիրանալու անթույլատրելիության և ժողովրդավարության պաշտպանության մասին» հայտարարության նախագծի քննարկման ժամանակ նշեց «Քաղաքացիական պայմանագիր» խմբակցության պատգամավոր Վլադիմիր Վարդանյանը։

Նրա խոսքով՝ եթե նախկին նախագահները ձայն չեն հանում, ապա դրանով կարող են լռակյաց արդարացնել ցանկացած տեսակի բռնի փորձ՝ ներառյալ ահաբեկչության փորձ։