«Կան պատմական դառը ճշմարտություններ, որոնց մասին նոր սերունդը պետք է իմանա». Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Այսօր հուլիսի 7-ն է: 1923 թվականի այս օրը ձևավորվեց ԼՂԻՄ-ը՝ Լեռնային Ղարաբաղի Ինքնավար Մարզը Խորհրդային Ադրբեջանի կազմում:
Կան պատմական դառը ճշմարտություններ, որոնց մասին նոր սերունդը պետք է իմանա:
Հայաստանի Հանրապետության շրջանում՝ 1918-1920 թվականներին, չնայած հիմնադիր հայրերի ջանքերին, Արցախը հնարավոր չեղավ միացնել ՀՀ-ին: Պատճառներին մասին շատ եմ գրել, այստեղ միայն թվականներ պիտի նշեմ:
Խորհրդային շրջանում, ինչքան էլ հայհոյենք բոլշևիկներին, Արցախը ստացավ վարչական կարգավիճակ՝ հստակ սահմաններով: Ու ամենակարևորը՝ հայերը մնացին իրենց բնիկ, տոհմիկ հայրենիքում:
1991-1994 թվականների պատերազմի արդյունքում Արցախը և շրջական տարածքները, մոտ 12 հազար քառակուսի կիլոմետր, հայկական վերահսկողության տակ էր՝ միջազգայնորեն և անգամ ՀՀ-ի կողմից չճանաչված, բայց, փաստացի, հայկական, եթե կուզեք՝ ՀՀ-ի շարունակություն:
2020-ի աղետալի պատերազմում կորցրեցինք Արցախի և շրջական տարածքների հանդեպ հայկական վերահսկողությունը՝ հավատալով և մասմաբ երկրպագելով երրորդ ուժին:
2023-ին արցախահայությունը բռնի տեղահանվեց:
Իշխանությունների, կուսակցությունների, գործիչների անուններ չեմ տալիս այս անգամ, փոխարենը մեկնաբանության մեջ դնում եմ մի տեսանյութ ԼՂԻՄ ձևավորման մասին և Խորհրդային շրջանում մարդահամարի տվյալները ԼՂԻՄ-ում»: