Կիրակի, 06 սեպտեմբերի, 2026 թ.
|
Ստեփանակերտում`   +25 °C

Ուկրաինան և Ադրբեջանը քննարկել են էներգետիկ ոլորտում համագործակցությունը

Ուկրաինան և Ադրբեջանը քննարկել են էներգետիկ ոլորտում համագործակցությունը
2355
Շաբաթ, 12 հուլիսի, 2025 թ., 21:52

Բաքվում կայացել է տնտեսական համագործակցության հարցերով ուկրաինա-ադրբեջանական միջկառավարական հանձնաժողովի 13-րդ նիստը: Այս մասին հայտնել է Ուկրաինայի էներգետիկայի նախարար Գերման Գալուշենկոն։

«Շնորհակալ եմ Ադրբեջանին համերաշխության և աջակցության համար, մասնավորապես՝ էներգետիկ մարտահրավերների հաղթահարմանը նպաստող մարդասիրական օգնության համար։
Մենք քննարկեցինք երկկողմ համագործակցության հիմնական ոլորտները, մասնավորապես՝ էներգետիկայի ոլորտում։ Մեծ ուշադրություն դարձվեց էներգետիկ անվտանգության բարձրացմանն ուղղված ռազմավարական նախագծերի մշակմանը։
Բաքվում այսօր կայացած միջպետական հանձնաժողովի նիստը կարևոր քայլ է մեր տնտեսական կապերի հետագա ընդլայնման ուղղությամբ։
Մենք գնահատում ենք կառուցողական երկխոսությունը և կոնկրետ արդյունքների հասնելու փոխադարձ վճռականությունը»,- ֆեյսբուքի իր էջում գրել է Գալուշենկոն։