ԱՄՆ-ում գրանցվել է կարմրուկի դեպքերի բարձր ցուցանիշ

ԱՄՆ-ում կարմրուկի դեպքերի թիվը հասել է վերջին 25 տարվա ամենաբարձր ցուցանիշին. 1288 հաստատված դեպք է գրանցվել, որոնցից 92%-ը նախկինում պատվաստված չի եղել, հաղորդում է The New York Times-ը՝ հղում կատարելով համաճարակների վերահսկման կենտրոնի տվյալներին: Նշվում է, որ ամենամեծ բռնկումը տեղի է ունեցել արևմտյան Տեխասում, որտեղ հունվարից ի վեր հայտնաբերվել է ավելի քան 750 դեպք: 2025 թվականի սկզբից կարմրուկով պայմանավորված բարդություններից մահացել է երեք մարդ, այդ թվում՝ երկու երեխա, որոնք պատվաստված չեն եղել: