ԵՄ-ն սկսել է աշխատել ՌԴ-ի դեմ պատժամիջոցների 19-րդ փաթեթի ուղղությամբ

1403

Ուրբաթ, 18 հուլիսի, 2025 թ., 11:51

Ռուսաստանի դեմ պատժամիջոցների 18-րդ փաթեթն ընդունելուց հետո Եվրոմիությունը սկսել է աշխատել սահմանափակող միջոցառումների հաջորդ փաթեթի ուղղությամբ։ Այս մասին հայտարարել է Էստոնիայի արտաքին գործերի նախարարության ղեկավար Մարգուս Ցախկնան։

Ինչպես նշվում է Էստոնիայի ԱԳՆ մամուլի հաղորդագրության մեջ, Ցախնան, հաստատելով հակառուսական պատժամիջոցների 19-րդ փաթեթի վրա աշխատանքների մեկնարկը, ասել է, որ ԵՄ-ն «չի սահմանափակվի կիսատ միջոցառումներով»։

Ավելի վաղ ԵՄ-ն համաձայնեցրել էր ՌԴ-ի դեմ պատժամիջոցների 18-րդ փաթեթը, որը ներառում է ֆիզիկական և իրավաբանական անձանց սև ցուցակի ընդլայնում, ռուսական նավթատար նավերի և որոշ բանկերի նկատմամբ սահմանափակումներ։