Երկուշաբթի, 20 հոկտեմբերի, 2025 թ.
|
Ստեփանակերտում`   +13 °C

«ԵՄ-ն չի կարող արգելել մեզ օգտագործել ռուսական նավթն ու գազը»․ Հունգարիայի ԱԳՆ ղեկավար

«ԵՄ-ն չի կարող արգելել մեզ օգտագործել ռուսական նավթն ու գազը»․ Հունգարիայի ԱԳՆ ղեկավար
1848
Երեքշաբթի, 22 հուլիսի, 2025 թ., 17:51

Հունգարիան թույլ չի տա, որ ԵՄ ղեկավարությունն արգելի իրեն օգտագործել ռուսական նավթն ու գազը։ Այս մասին հայտարարել է Հունգարիայի արտաքին գործերի և արտաքին տնտեսական հարաբերությունների նախարար Պետեր Սիյարտոն՝ Բուդապեշտում ԵՄ դեսպանների հետ հանդիպման ժամանակ։

«Բրյուսելը շարժվում է բոլորովին սխալ ուղղությամբ. նրանք ցանկանում են շարունակել պատերազմն Ուկրաինայում, թույլ տալ անօրինական միգրանտների մուտքը և մեզ պարտադրել գենդերային խելագարություն։ Բացի այդ, նրանք ցանկանում են արգելել մեզ օգտագործել էժան ռուսական նավթն ու գազը, ինչn սպառնում է հունգարական ընտանիքների համար կոմունալ ծառայությունների արժեքի եռապատիկ, նույնիսկ քառապատիկ թանկացմամբ։ Մենք դա թույլ չենք տա, մեզ համար Հունգարիան առաջին տեղում է»,- ֆեյսբուքյան էջում գրել է ԱԳՆ ղեկավարը։

Ավելի վաղ Հունգարիայի կառավարությունը հայտարարել էր, որ չի աջակցի Եվրոհանձնաժողովի կողմից մշակված ծրագրին՝ ԵՄ-ում մինչև 2028 թվականի սկիզբը Ռուսաստանից նավթի և գազի մատակարարումը լիովին դադարեցնելու վերաբերյալ։