Լարսը փակ է տրանսպորտային բոլոր միջոցների համար

Լարսը փակվել է բոլոր տեսակի տրանսպորտային միջոցների համար սողանքի վտանգի պատճառով։ Տեղեկությունը հայտնում է Հյուսիսային Օսեթիայի ճանապարհային կառավարման կենտրոնը։
«Վրաստանի տարածքում եղանակային պայմանների վատթարացման, սելավահոսքի սպառնալիքի, ավտոտրանսպորտային միջոցների անվտանգ երթևեկությունն ապահովելու անհնարինության պատճառով, ինչպես նաև հաշվի առնելով Վրաստանի սահմանապահ ոստիկանության հանձնարարականները՝ արգելվում է բոլոր տեսակի ավտոտրանսպորտային միջոցների երթևեկությունը Վլադիկավկազ-Լարս հատվածում»,- նշված է հաղորդագրության մեջ։