Հինգշաբթի, 07 օգոստոսի, 2025 թ.
|
Ստեփանակերտում`   +25 °C

Ալեն Սիմոնյանը և Արուսյակ Մանավազյանը դատի են տվել Վազգեն Սաղաթելյանին

Ալեն Սիմոնյանը և Արուսյակ Մանավազյանը դատի են տվել Վազգեն Սաղաթելյանին
119
Այսօր, 20:30

«Քաղաքացիական պայմանագիր» խմբակցության 2 անդամներ դատի են «Իմնեմնիմի» պոդկաստի համահեղինակ Վազգեն Սաղաթելյանին։ Այս մասին տեղեկանում ենք «Դատալեքս» դատական տեղեկատվական համակարգից։

Սաղաթելյանի դեմ հայցեր են ներկայացրել ԱԺ նախագահ Ալեն Սիմոնյանն ու պատգամավոր Արուսյակ Մանավազյանը։

Ազգային ժողովի նախագահը պատիվն ու արժանապատվությունը վիրավորելու համար վնասի փոխհատուցում է պահանջում։ Հայցի պատճառը եղել է փոդքաստի վերջին դրվագներից մեկը, որտեղ Սաղաթելյանը որոշ մանրամասներ է ներկայացրել Սիմոնյանի և ՔՊ մյուս պատգամավորների ինտիմ կյանքից։

Արուսյակ Մանավազյանն էլ պահանջում է հերքել հնչած հայտարարությունները և 1 մլն դրամի չափով փոխհատուցում վճարել:

Նշենք, որ Վազգեն Սաղաթելյանը նշել է, որ որևէ անձի անձնական կյանքին անդրադառնալու ցանկություն երբևէ չի ունեցել, սակայն, նկատի ունենալով իշխանությունների կողմից Վեհափառ Հայրապետի, սրբազանների դեմ հայտարարությունները՝ իբրև կուսակրոնության հարցի վերաբերյալ, ստիպված է բացահայտել ՔՊ-ականների բարոյական կերպարը։